6 Pack Abs Ke Liye Kin Baaton Ka Dhayan Rakhe | Change These Habits to Have 6 Pack Abs [7 Effective Tricks for 6 Abs]

  • buddy 
Please follow and like us:

Fit to aaj kal har koi rehna chahta hai. Chahe ladka ho ya ladki, sabhi ko apni slim tone body  chahiye. After all, sabhi ekdum awesome dikhna chahte hai. Sabhi chahte hai ki har koi unhe notice, unhe follow kare. Aaj kal ka trend hi aisa hai ki har koi fitness ke bina reh hi nahi pata. Fitness ek junoon ki tarah hai, ek baar shuru kiya toh koi bhi khud ko rok nahi pata.

Fitness ki duniya me sabse common hai 6 Pack Abs. Aaj kal har fitness lover 6 Pack Abs bnana chahta hai jiske liye har koi kafi exercise bhi karta hai, kafi mehnat karta hai aur woh bhi sirf aur sirf apni muscles ko ekdum proper shape me rakhne ke liye. But dosto har insaan ko itni mehnat, itni exercise karne ke baad bhi kabhi bhi proper 6 Abs milti hi nahi jiska sabse bada reason, unki hi kuch habits hoti hai. Ji haa dosto, humari hi kuch habits aisi hoti hai jo humare itne exercise karne ke baad bhi hume perfect body tone hasil hi nahi karne dete. Par tension na le dosto, kyuki aaj hum aapko batane ja rahe hai ki kaise aap apni bas kuch habbits ko change karne se hi apni body shape ko ekdum slim fit aur ekdum behtar tone se 6 Pack Abs  khud attractive bna sakte hai.

7 Most Effective Tricks To Get 6 Pack Abs:

Dosto 6 Abs banane ke hum mostly sirf exercise ya fir sirf running hi karte hai par dosto sirf running or exercise karne se aap kabhi bhi proper Abs hasil nahi kar sakte. 6 Pack Abs banane ke liye hume bahut si baaton ka kafi ache se dhayan rakhna padta hai. Aisi bahut si khas baatein hai jinhe hum agar dhayan me rakhe to fir ek normal person bhi bina exercise ke apna regular weight or body tone maintain kar sakte hai. To dosto, aaj hum woh sabhi raaz aapko batane ja rahe hai jisse aap apni slim tone body or 6 Pack Abs hasil kar sakte hai:

  1. Great Diet

Dosto sabse pehle to hume apni diet ka hi dhayan rakhna padega. Agar aap chahte hai ki aapke bhi 6 Pack Abs ho toh fir sabse pehle aapko apni diet ko badalna padega par dosto iska matlab yeh nahi ki aap apna khana pina hi chod de. Mostly har koi apni 6 Abs banane ke liye apni proper diet ko hi chod dete hai or sirf apni body se fat kam karne par dhayan dete hai. Par dosto agar aapko Abs banani hai to fir uske liye aapko apni diet me kafi proteins khane ki jarurat padegi isliye apni diet ko bilkul hi na chod kar, regular apni diet me jyada se jyada protiens waali item le jaise raw milk, tofu, grains, pulses etc. par itna dhayan rakhe ki aap jarurat se jyada kuch bhi na khaye. Protiens se aapki muscles or bones dono hi strong banti hai jisse aapko apni 6 Abs banne me kafi help hoti hai. Sirf itna hi nahi dosto, ek achi diet se aapki body ko sirf proteins hi nahi milte balki aapki body ko bahut se jaruri nutrients bhi milte hai jisse aap ekdum fit rehte hai or fitness ke liye, ek achi diet se better kuch bhi nahi. To dosto humesha apni diet ka dhayan rakhe.

  1. Chew Properly

Sirf achi diet hone se bhi kabhi-kabhi humari body me Abs nahi banti jiska main reason hota hai jarurat se jyada khana. Ji ha, ho sakta hai ki aap jitna khana normally khate hai, wahi aapki body ke liye jarurat se jyada ho. Aisa sirf tabhi hota hai jab hum khane ko properly chew(chabana) nahi karte, jiski wajah se hum jarurat se jyada khana kha lete hai aur hume pta bhi nahi lagta. Agar aap apni diet ko bilkul thoda sa hi kam karde toh, aapki body par uska kafi jyada effect padta hai. Hum khane ko sirf apni jeene aur apni body ko energy dene ke liye khate hai. Lekin dosto, jarurat se jyada kuch bhi acha nahi hota isliye humesha properly chew karke khana khaye.

 To dosto, abse aap jab bhi kuch khaye to usko ache se chew karke hi khaye. Jab hum khane ko ache se chew karke khate hai, tab thoda sa khana bhi humari body ko kafi ache se energy deta hai aur isse aapki body me fat bhi kam hota hai. Kyuki limited khana khane se humari body ki extra calories burn hoti hai jisse humari body shape nikharne lagta hai. To isliye dosto, humesha apna khana ache se chew karke khaye aur abs banaye.

  1. Drink Lime

Humari body ko liquid ki kafi jarurat hoti hai kyuki humari body me mostly 70% water hota hai. Ek ache 6 Pack Abs bnane ke liye hume jyada se jyada pani peena chahiye par sirf normal water humari body par jaldi effect nahi kar pata isliye dosto aapke liye sabse better option hai ki aap Nimbu Pani(Lemonade) peeye. Nimbu pani naturally ek aisa ingredient hai jo body ke fat ko khatam karta hai isliye dosto jyada se jyada nimbu pani peeye. Lemonade fat ko khatam karne ke sath-sath aapki body ko dehydration se bhi bachata hai par dosto kuch log Lemonade me bhi ek choti si bhool kar dete hai. Dosto mostly hum jab bhi nimbu pani bnate hai tab hum mostly sugar ko bhi nimbu pani me use karte hai jiski wajah se aapki body slim nahi hoti aur aap apni 6 Pack Abs nahi bna paate hai. To dosto, yaad rakhe ki aaj ke baad aap jabhi Lemonade banaye to usme aap kabhi bhi sugar ka use na kare. Aapko regular jyada se jyada without sugar wala Nimbu pani peena hai jisse aap jaldi se jaldi apni Abs hasil kar sake.

  1. Diet On Time

Duniya ne time kafi important hota hai aur utna hi important hota hai har kaam ko sahi waqt par karna. Jaise hum kaam ko uske sahi waqt par pura karte hai waise hi Khana khane ka bhi apna ek proper time hota hai, aur jab hum khane ko proper time par nahi khate hai tab humari body par kafi bura effect padta hai. Hume rojana din me kam se kam 3 times proper diet khani chahiye. Dosto, jab bhi hum sahi time par khana nahi khate hai tab hume jyada bukh lagne lagti hai aur fir hum jab kuch khate hai toh woh jarurat se kuch jyada hi kha lete hai jo humari Abs banne ke liye bilkul bhi acha nahi hota hai. Jyada khane se humari digestion proper work nahi karti hai jisse humari body me fat bhi badhta hai isliye kabhi bhi apna khana time par khana na bhule. Agar aapko din me 3 baar khane ke baad bhi bukh lagti hai toh aap apne khane ki timings ke bich me healthy snacks khaye jaise fruits, salad etc. To dosto, abse apna khana time par khaye aur apni diet ka proper dhayan rakhe.

  1. No  To Unhealthy Food

Dosto jab aap apni Abs ke liye itni mehnat karte hai toh fir kyu kabhi-kabhi apni himmat haar jaate hai? Ek ache 6 Pack Abs ko hasil karne ke liye ache se workout karte hai, puri training karte hai par fir bhi kabhi-kabhi kisi party ya friends ke saath aap kuch na kuch unhealthy khana khate hi hai. Dosto thoda sa unhealthy khana bura nahi par jab bhi aap kuch unhealthy khate hai toh aapki body me fat badhta hai. Tab us extra fat ko khatam karne ke liye aapko regular se jyada workout karna padhta hai par aisa toh aap kabhi karte hi nahi. Ji haa, aap chahe to unhealthy khana bhi kha sakte hai bas itna dhayan rakhe ki aap jo bhi khaye usme Sugar kam se kam ho aur next day extra workout karna na bhule.

  1. No Sugar

Apni body ke fat ko khatam karne ka sabse acha way hai ki aap apni regular diet me Sugar ko bhul jaaye. Ji haa dosto, aapko apni regular diet me sugar ko kam se kam use karna hai. Jaise sabse pehle aap apni Milk/Tea/Coffee ke liye raw milk ko use kare or sugar bilkul bhi na use kare. Normal chocolates ki jagah aap Dark chocolate khana shuru kare kyuki dark chocolate me sugar to kam hoti hi hai sath ki sath ye aapke workout ke pain ko bhi kam karne me help karta hai aur isse aapki muscles bhi relaxed hoti hai. Dosto, aapko sugar ko jyada se jyada no kehna hai isliye cold drinks ko toh bhul hi jaaye kyuki cold drinks me sabse jyada sugar hoti hai. Agar aap kabhi thoda sweet khate bhi hai toh next day jyada workout kare, par abse aap daily meetha nahi khayege. Sugar Abs ka dushman hai, isliye apni 6 Abs Pack ke liye sugar ko bhul jaaye.

  1. Exercise Kare

Dosto ab aati hai sabse important thing- Ek Proper Workout. Apni 6 Pack Abs bnane ke liye aapko apne liye ek proper workout plan karna padhega. Ache Abs ke liye aapko regular apni core exercise or cardio exercises ko increase karna chahiye. Yaad rakhe regular exercise karne se aapka fat khatam hoga or aapki muscles ke sath-sath aapki puri body bhi strong banegi. Aapko regular running ke sath-2 stretching par bhi dhayan dena padhega. Aap regular 20 minutes ki core exercise kare aur sath me atleast 20 minutes cardio exersice kare par yaad rakhe ke exercises karte waqt aap jyada rest na kare. Aapko apni body ko extra push karna padhega jisse aapko jyada sweat aaye aur aap jaldi fat loose kare. Agar aap apni regular exercise ka ek proper plan bnana chahte hai toh fir aap humare next article ko Jarur padhe- “Proper Workout Plan for Abs”.

Kal Kare So Aaj Kar!
Aaj Kare So Ab!

Toh fir dosto, ab aap jante hai ki kaise aap apni 6 Pack Abs bna sakte hai. To fir aaj se apni Abs ke liye work shuru kar dijiye. Agar aap kuch bhi puchna chahte hai ya aap apni kisi bhi problem se realted help chahte hai to aap hume comment karke kuch bhi puch sakte hai ya fir aap hume mail karke apni problem share kar sakte. Hum aapki problem ko jaldi se jaldi solve karne me help karege aur aise hi hume support karte rahiye aur apni zindagi me khushiya bharte rahiye.

Please follow and like us:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.