Life’s Aim! Apni Zindagi Ka Motive Kaise Select Kare [7 Wonderful Points To Finalize Your Aim]

Please follow and like us:

Jaise har raah ki apni hi manzil hoti hai vaise hi humari zindagi bhi ek safar ki tarah hai. Is safar me aapko kafi log milte hai, kafi raahein milti hai, kafi mukaam kilte hai aur har gujarte pal ke sath aapko bahut si yaadein bhi milti hai. Aisi hi hoti hai ek haseen zindagi, par dosto kya apne kabhi socha ki, aapko kaise pta ki aapne kaha jaana hai? Kisse milna hai? Kya karna hai? Vaise to yeh hum sabhi jante hai ki hum humesha apne dil ki sunte hai aur dil ki hi har baat ko maante huye har jagah jaate hai or har kaam karte hai, par kabhi-kabhi humara yeh dil kafi darr jata hai or confuse ho jata hai ki kya kare or kaise kare! Is wajah se hum kabhi-kabhi apni zindagi ke motive ko hi samajh nahi paate. Aaj hum aapki zindagi ki aim ko hi select karne me help karege kyuki bina kisi maksad ke zindagi ka koi matlab nahi rehta. Chaliye aaj aapki is zindagi ko ek naya mukaam dete hai.

Zindagi Ke Motive Ko Select Karne Ka Easy But Awesome Way

Sabse pehle to dosto ek baat ache se samajh le ki yeh aapki zindagi hai or iska maksad bhi sirf aur sirf aap hi select kar sakte hai but hum aapki isme help jarur karege. Aaj hum aapko batayege ki kaise aap apni life ke aim ko select kar sakte hai.

  1. Your Capibillity

Zindagi me kuch bhi karne se pehle hume yeh jaroor sochna chahiye ki humne aaj tak kya kuch sikha hai aur hum kya kuch kar sakte hai. Dosto, aapko apni hare k kaam karne ki kabiliyat ke baare me sochna hai. Jaruri nahi ki aap us kaam me best ho ya aapne woh kaam abhi sikhna shuru kiya hai! Aapko woh hare k cheeze sochni hai jo aap kar sakte hai kyuki dosto har kaam kafi jaruri hota hai. Chahe woh kaam aapko sochne me chota lage par aap chahe toh us kaam koi bhi ek kafi bade level par kar sakte hai. Aapko shayad pta bhi na ho par India me aisi bhi companies hai jo sirf building ki windows saaf karti hai par fir bhi kafi successful hai and money earn karti hai! Jisse hume pta chalta hai ki zindagi me koi bhi kaam bada ya chotaa nahi hota, isliye dosto aapko apni zindagi me hone waale har kaam ke baare me sochte huye apni life ke aim ke liye kuch cheezo ko select karni chahiye.

  1. Talent v/s Interest

Ab aapko pta hai ki aapne apni zindagi me abhi tak kya kuch kiya hai aur aap kya kuch karna chahte hai, par aap yeh sabhi cheeze ek sath to nahi kar sakte isliye sabse acha yahi hoga ki aap ek list bnaye jisme aap yeh sabhi kaam likhege. Aapki is list me aise kaam bhi honge jisme aap bahut ache hai or aise kaam bhi honge jisme shayad aap itne ache nahi hai par aapko woh kaam karna pasand hai. To dosto, ab sawal yeh aata hai ki hum konse kaam ko, konsi cheeze ko apni life ka Aim banaye! Sabse pehle itna samajh le ki aapki puri zindagi sirf aapke decision par nirbhar karti hai isliye aapki life ko acha or sabse better aim dene ke liye hume is list ko chota karna hoga or yeh decide karna padega ki aapke liye konsa topic sabse acha hai.

Dosto iske liye sabse acha option hai ki aap apne talent or interest dono ko compare kare, kyuki kabhi-kabhi sirf talent se kuch nahi hota. Sochiye agar aapko aisa kaam karne ko mile jisme kafi ache hai par aapko woh kaam karna pasand hi nahi hai to aap kabhi bhi us field me ache se successful ban hi nahi sakege. Ab sawal yeh hai ki hume to bahut kuch karna pasand hai par usme se life ke aim ke liye kya cheez better hai yeh kaise dhundhe? Iska answer aapke pass hi hai dosto. Aapki is list me kuch kaam aise hai jisme aapko pta hai ki agar aap chahe to mehnat se success hasil kar sakte hai or humesha khush reh sakte hai. To dosto, jaldi se soch samajh kar acge se kuch main topics ko select karlijiye.

  1. Good to great

 

Dosto ab aapne kuch main topics select kar liye hai par abhi bhi aapko apni zindagi ka aim nahi mila hai. Ab aapko apni list se aim ko select karne ke liye kuch baaton ka dhayan rakhna hoga. Sabse pehle ab aapko apni list me se woh cheez select karni hai jise agar aap bar bar practice kare to usme sabse best ban sakte hai. Dosto apni zindagi ki aim ko select karne se pehle yeh yaad raakhna chahiye ki duniya me kabhi bhi koi sirf good ki respect nahi karta, isliye aapko good nahi, great banna hai. Humara india kuch hai hi aisa ki yaha aapko good to bahut milege but sirf kuch hi great honge aur aapko unhi great persons ki list me aana hoga. Dosto aap agar chahe to mehnat se great ban sakte hai. Aapko sirf khud par trust karna hai or sache dil se puri mehnat karni hai isliye sirf great aim se select kare.

  1. Think Crazy

Kehte hai ki duniya me bahut se pagal log hai aur ab waqt hai aapke pagalpan ko sabke saamne laane ka. Dosto aaj ke is duniya me aapki zindagi ka motive aisa hona chahiye jo sabse alag ho par kafi asardaar(effective) ho. Humari is duniya me jab koi pagal panti karta hai to usko har ek insaan dekhta jaroor hai. Jaise facebook, whatsapp par jo funny videos aati hai, unhe aap jaroor dekhte hai or like bhi karte hai aur aise hi videos ko bahut se log apni advertisments ke liye use karte hai, apna talent sabko dikhate hai or zindagi me success hasil karte hai. Dosto aapko bhi apna aim select karne se pehle ye samajh lena chahiye ki apne aim ko hasil karne ke liye aapko kafi problems ka samna karna padega jiske liye ho sakta hai ki aapko kuch pagal panti bhi karni pade, par dosto hath par hath rakh kar apni nakamiyabi(failiure) se dukhi rehne se better hai ki aap apni zindagi me pagal panti kare aur success hasil kare. To dosto apne aim ko final karne se pehle pagal panti karne ke liye ready ho jaaye.

  1. Needs v/s Desires

Dosto aabi tak aapne apne aim ka topic soch liya hoga par kya sirf topic select karna aapki zindagi ka motive ban sakta hai? Jaise ek kalakaar actor bhi ban sakta hai, comedian bhi ban sakta hai, model bhi ban sakta hai vaise hi aapke aim ka topic bhi aapko life ke aim ke liye kafi options deta hai. Woh kehte hai na dosto ki, “Manzil Ek, Raahe Anek”. Aap soch rahe honge ki sirf aim ke topic ko select karne me to itni problems aari hai to ab aim ko final kaise kare? Kyu sahi keh raha hu na dosto? Dosto topic to humari life me kafi hote hai par unhe select karne ka sabse bada(greatest) reason ek hi hota hai aur woh hai aapki needs and desires. Aapko apni zindagi ke aim ko final karne se pehle apni sabhi jarurato(Needs) aur chahato(Desires) ko yaad karna hai kyuki aapki life ka motive hi hai jisse chahe to aap sirf aapni sabhi jarurate puri kar sakte hai ya fir aapni har ek chahat ko jee sakte hai. To dosto, aapni zindagi ki har ek jarurat or chahat ko ache se soch kar hi apni zindagi ka aim final kare aur success ko hasil kare.

  1. Question Yourself

Dosto, aapne abhi tak apni zindagi ke aim ko final karne ka soch liya hoga par use final karne se pehle kuch ek baat ka khas dhayan rakhiye ki kya aap sure hai? Dosto, yeh woh pal hai jab aapne khud se hi sawal karna hai ki:

  • Kya yahi woh aim hai jo aap apni zindagi me karna chahte hai?
  • Kya yahi hai jise karna aapko pasand hai?
  • Kya yahi woh aim hai jo aapki zindagi ki sabhi jarurato ko pura karega?

Agar in sabhi questions ka answer “Yes” hai! To dosto ek sawal aur hai jo aap khud se jarur puche:

Can You Do It? Kya Tum Yeh Kar Bhi Sakte Ho?

Dosto, yeh woh sawal hai jo ki aap khud se nahi balki duniya aapse puchegi! Har woh insaan jise aap apne aim ke baare me batayege, woh sabse pehle aapse yahi question puchega aur aapko khud ko is layak banana hai ki jab koi aapse yeh sawal puche to aap bina dare, bina kisi doubt ke jawab de sake!

Yes, I Will! Ha, Me Kar Sakta Hu!

Dosto jis pal aap is question ka answer de sakege, aap apni zindagi ke aim ko final kar chuke honge aur aapko ab sirf use pura karke dikhana hai.

  1. Enjoy It. Live It.

Dosto kabhi-kabhi apne aim ko hasil karne ke liye hume kafi mushkilo(problems) ka samna karna padh sakta hai par aapko har mushkil me ek baat yaad rakhni hai ki ”Yeh Mera Decision Hai Aur Me Ise Pura Karuga Aur Ache Se Enjoy Karuga”. Aapko ek baat jarur kahuga:

Zindagi Hai Jeene Ke Liye, To Udaas Kyu Rehna?
Kaaten Ho Chahe Raaho Me, Hume To Hai Bas Muskurate Rehna!

To fir dosto ab wait kis baat ki? Apne aim ko hasil karne ke liye mehnat shuru kar dijiye par yaad rakhiye ki sirf aim se success hasil nahi ki jaati. Apne aim ke liye ek proper plan se hi aap success hasil kar sakte hai. Agar aap kuch bhi puchna chahte hai ya aapko kisi bhi problem me help chahiye to aap chahe to comment kar sakte hai ya fir aap hume mail karke apni problem share kar sakte. Aise hi hume support karte rahiye aur apni zindagi me khushiya bharte rahiye.

Please follow and like us:

11 thoughts on “Life’s Aim! Apni Zindagi Ka Motive Kaise Select Kare [7 Wonderful Points To Finalize Your Aim]”

  1. Pingback: Motivation Kya Hai? Motivated Rehne Ke Best Tareeke – Jilo Zindagi Dil Se

  2. Pingback: Zindagi Jeene Ke 8 Amazing Tips [Life Ko Jeene Ka Sahi Tarika] – Jilo Zindagi Dil Se

  3. Pingback: Ek Student Ko Kaise Jeena Chaiye [Make Student’s Life Easy with 9 Awesome Tips] – Jilo Zindagi Dil Se

  4. Pingback: Zindagi Me Motivation Ke Sath Rehne Ka Best Tareeka [12 Ways To Get Motivation] – Jilo Zindagi Dil Se

  5. Pingback: Successful Logo Ki Soch Kaisi Hoti Hai| Way To Success [5 Really Working Tips] – Jilo Zindagi Dil Se

  6. Hi i am mohan suman nice aarticle…..but ak sawal he ki aage ki life ko jine ka plan to aapne bata diya but jo abhi chl rahi problm se kese nikle kyo ki ye kahtam ho jayegi to aage ka plan aoto metic hi mil jayega

    1. Thanks Mohan,
      abhi ki zindagi ki sabhi problems ko khatam karne ke liye aapko sabse pehle khud ko change karna hoga. Ye sochna chod de ki aapki life problems hai. Bas ye samajh lijiye ki aapki life me kafi competitions hai jinhe aapko jitna hai. In competitions ko jeetne ke liye aapke pass kafi options hote hai aapko bas un options ko samjhna hoga. Jaise hum kehte hai ki humare pass kisi kaam ko karne ke liye time nahi par sach to yahi hai Mohan ki agar hum kuch kaam karne ki thaan le to hum woh kaam karne hi rehte hai. Aap bhi apni life ki problems ko khud hi khatam kar sakte hai. Bas apni zindagi me aage ki taraf badte rahiye or aaj ko jeete rahiye.
      And keep following us.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.