Zindagi Me Motivation Ke Sath Rehne Ka Best Tareeka [12 Ways To Get Motivation]

Please follow and like us:

Har insaan ki apni alag kahani hai par har insaan ki zindagi ka ek pal aisa hota hai jo usko sabke sath jodta hai. Yeh pal koi aisa pal nahi jo sabse alag ho ya koi khas ho. Yeh to woh pal hai jab aapko koi aisa kaam karne ko kaha jata hai jo aapko bilkul bhi pasand nhi hota par woh kaam karna kafi hi jaruri hota hai. Kyu sahi keh raha hu na dosto? Aisa kitni baar hota hai ki humare parents, humare dosts, ya humare bade bhai/behan hume koi jaruri kaam karne ko kehte hai or woh kaam hume bilkul bhi pasand nahi hota hai. Aise hi jab humari life me koi bhi motivation nahi rehti tab hume koi bhi kaam karna bilkul acha nahi lagta, par kya apne kabhi socha ki yeh motivation hai kya? Aur kyu humara kabhi-kabhi koi bhi kaam karne ka bilkul bhi mann nahi karta? Agar nahi to sochna shuru kar dijiye dosto! Aaj hum aapki isi mushkil ko hal karege.

Sabse pehle to yeh jaan lijiye ki kisi bhi, kaise bhi kaam ko karne ke liye aapko motivation chahiye hi hoti hai. Bina motivation koi bhi kaam kabhi bhi nahi kiya ja sakta! Iske reason ko ache se samajhne ke liye hume motivation ka mean samajhna padega.

Motivation Hai Kya?

Motivation ek junoon hai, jo aapko har kaam ko karte rehne ke liye support karta hai. Motivation kuch kar dikhane ki chah hai, jo aapko har pal har mushkil ka saamna karne me help karti hai. Yeh word “Motivation”, iska mean bada hi simple hai, par har koi ise easily samajh hi nahi pata. Jiski wajah se aapse koi bhi kaam dhang se nahi ho pata. Har insaan ki apni zindagi ka alag mukaam hota hai, aur isi liye har insaan ko alag alag dhanag se motivation milti hai. Yeh jaruri nahi ki jis cheej se aapko motivation milti ho, usi se kisi or insaan ko bhi motivation mile.

To dosto, ab sawal ye aata hai ki aap apni zindagi me motivation ko dhundhe kaha? Wo kya cheej hai, jisse aapko motivation mil sakti hai? Chaliye aaj hum issi sawal ka jawab dhundhte hai. Aur aapki zindagi ko aasan banate hai.

Zindagi Me MotivatED REhne Ke Tips

  1. Aim/Reason:

Aap zindagi me chahe jo kaam kare, us kaam ko karne ki koi na koi wajah to hoti hi hai. Aapki woh wajah hi hai jo aapko us kaam ko karne ke liye motivate karti hai. Yaad hai na dosto, mene kaha tha ki kuch kaam aise hote hai jo hum karna nahi chahte par fir bhi hume woh kaam karne padte hai. Yeh uss kaam ki wajah hi to hai jo aapko kadam kadam par woh kaam karne ke liye motivation deti hai. Aise hi dosto, agar aap life me motivation ki talash kar rahe hai. Ya fir apni zindagi me kuch kar dikhane ka junoon rakhte hai. Ya fir koi aisa kaam hai jo aap karna chahte hai par kar nahi pa rahe. To dosto sabse pehle apne aap ko woh kaam karne ki koi khas wajah dijiye. Life me aapko motivation tab tak nahi milti jab tak aapke pass koi aim na ho.

Jaise har kissan(farmer) sirf apni or apne parivaar ki bukh(appetite) mitane ke liye apni puri mehnat aur lagan se apni fasal(crop) ko ready karta hai. Vaise hi jab humare pass koi bahut badi wajah, ya koi bahut khas aim ho, to hum uss aim ko pura karne ke liye aur apni manzil ko hasil karne ke liye kisi bhi mushkil ka samna kar jaate hai. To doston yaad rakhe ki motivation ki sabse pehli sidhi(stairs) hai, aapki zindagi ka aim. To fir aaj hi apni zindagi ka aim dhundhiye.

  1. Look at Yourself:

Jab insaan ko apni zindagi me motivation ki talash hoti hai tab woh ek na ek baar khud ki taraf dekh yeh jarur sochta hai ki woh kya cheej hai jisse aapko motivation mil sakti hai. Aise time par jab bhi aap khud me motivation ke liye wajah ki talash karte ho woh aapko itni aasani se milti hi nahi, par dosto kya aapne socha ki aap khud me dekhte kya hai? Dosto yeh sach hai ki zindagi kabhi aasan nahi hoti or jab motivation ki talash ho to uski parchayi(Shadow) bhi nazar nahi aati kyuki aap uss pal me sirf or sirf apni kamiyo ko hi dekhte hai or apni khubhiyo par dhayan hi nahi de paate.

Dosto jab aapko motivation ki talash ho tab aapko yeh nahi sochna chahiye ki aapke pas kya khubi hai ya aapke andar kitni kamiya hai kyuki jab motivation na ho tab hume apni koi khubi nazar nahi aati or humari har choti baat kisi kami se kam nahi lagti. Aapko sirf apne kaam ke bare me sochna chahiye or use karne ki wajah ko hi yaad karna chahiye. To dosto, khud ko kosna chodiye or kaam karna shuru kijiye.

  1. Think about your loved once:

Zindagi me kuch log humare liye bahut hi khas hote hai or inhi logo ke liye hum har mushkil ka samna karne ko ready hote hai. Jab bhi aapko motivation ki talash ho ya aap jab bhi zindagi me nirash hote hai tab aapke unn khas logo ki yaadien hi aapko support karti hai. Dosto jab aapke pass motivated rehne ki itni khas vajah hai to aap unhe najarandaaz(Ignore) kyu karte hai? Har kisi ki zindagi me mushkile to hoti hi hai, par unki wajah se apni family, friends ya apne special one ko hi bhula dena to bilkul bhi sahi nahi.

Dosto aap chahe to apni zindagi me akele kisi mushkil ka samna kar sakte hai ya fir kisi ke sath us mushkil ko hara sakte hai. Aisa nahi hai ki aap akele kisi problem ko solve nahi kar sakte! Aap chahe to akele hi sab kuch kar sakte hai par kehte hai na dosto, “Ek se bhale do, Aur do se bhale teen”. Zindagi me kafi kuch akele hi karna padta hai par jab koi sath ho ya fir sirf unki yaaden hi sath ho to har mushkil ko saamna aur bhi aasan ho jata hai. To dosto, kabhi bhi motivation ki jarurat ho to sirf apni zindagi ke un khas logo ko yaad kare jinke liye aap kisi bhi problem ka samna kar sakte hai.

  1. Knowledge:

Dosto kabhi socha hai ki aap khana bina kisi problem ke kaise kha lete hai? Kaise aap bina kisi mushkil ke chal paate hai? Ya fir kaise aap badi aasani se apna naam bol paate hai? In sabhi sawal ka sirf ek hi reason hai or woh hai Gyaan(Knowledge). Hum jab is duniya me janam lete hai tabhi se hum knowledge ko gain karna shuru kar dete hai. Dosto jab bhi hume koi kaam karne ko diya jaaye aur hume pta ho ki woh kaam kaise hoga to hum woh kaam badi hi aasani se kar paate hai.

Dosto jab bhi aapko kisi kaam ko karne ke liye motivation ki jarurat ho tab aapke liye sabse jaruri hai ki aap pehle uske baare me full information ko collect kijiye. Jab aapke pass kisi kaam ko karne ki puri jaankari(information) hoti hai, tab uss kaam ko karna kafi aasan ho jata hai. Jab hum kisi bhi kaam ko badi hi aasani se, bina kisi mushkil ke kar paate hai, tab hum kafi confident feel karte hai or isse hume kafi jyada motivation milta hai. To dosto kisi bhi kaam ke motivation ke liye sabse pehle uski information hasil(gain) kare.

  1. Skills:

Duniya me kuch kaam aise bhi hote hai jo har koi aasani se nahi kaar pata, par jo kar pata hai kafi hi kamal ke sath karta hai. Aisi bahut si cheeje hoti hai jinhe karna kafi mushkil hota hai par agar aap mehnat ke sath us kaam ko kare to aap use badi hi aasani se kar lete hai. Dosto, aise hi kaam ko skills kehte hai aur aise skills ko sikhne ka maza hi kuch aur hai. Aisa kitni baar huya hai ki jab bhi aapne koi mushkil kaam aasani se kiya to aapko khud par kafi hi proud feel ho? Kyu dosto? Milti hai na ek anokhi si khushi jab hum aise kaam kar dikhate hai! Aisi hi khushi se hume kafi motivation bhi milti hai aur aapko bhi aisi hi motivation ki jarurat hai.

To dosto, aaj se hi balki abhi se hi apne skills ko increase karna shuru kar dijiye aur jo bhi kaam karna aapko sabse jyada pasand hai use dheere dheere sikhna shuru kar dijiye. Aisa kafi baar hota hai ki jo kaam hum dil se karna chahte hai, dil se sikhna chahte hai use toh kabhi kar hi nahi paate. To fir dosto unn sabhi kaamo ko apne dil se nikaliye mat balki unhe alag se sikhna shuru kar dijiye. Jab aap apne pasand ke kaam ko sikhna shuru kar dege tab aap har pal motivated rahege kyuki aapko pta hoga ki aapko ek na ek din apni pasand ka kaam karne ka moka jarur milega. Dosto itna yaad rakhiye ki sirf aap hi khud ke liye wo moka bana sakte hai to us moke ko kabhi bekar mat jane dijiye.

  1. Hard work with Smartness:

Kabhi-kabhi hume us pal motivation ki sabse jyada jarurat hoti hai jab hume koi mushkil kaam karne ko kaha jata hai. Dosto, kya apne kabhi socha ki aapko jo mushkil kaam mila hai, woh itna mushkil hai kyu? Sirf isliye ki har koi use aasani se nahi kar pata? Ya isliye kyuki us kaam ko karne ka koi tareeka nahi mil raha? Agar aisi hi koi mushkil hai to dosto sabse pehle motivation ki jagah us kaam se related har jaankari(knowledge) gain kare, kyuki dosto jab aapko pta hoga ki kaise aap apne mushkil kaam ko aasani se kar sakte hai to aapko apne aap hi us kaam ko karne ki motivation mil jayegi. Isliye kisi bhi kaam se related motivation ke liye aap pehle us kaam ki puri jaankari collect kare aur uske baad hi kaam kare jisse aapko wo kaam karne ki proper motivation milti rahegi.

  1. Step Outside:

Humari duniya kitni badi hai na? Kya aapne kabhi puri duniya dekhi hai? Agar aapne puri duniya dekhi hi nahi to aap kaise keh sakte hai ki ab aapke liye is duniya me kuch bhi karne ko nahi raha? Dosto is duniya me bahut kuch kiya ja sakta hai or yaha har kone me aapko motivation mil sakti hai. Aapko jab bhi motivation ki jarurat ho to sabse acha tareeka yahi hai ki aap ghar se bahar nikal kar duniya ko tatole(Search). Hum jab new cheejo ko khojte(explore) hai tab humare mann full of energy hota hai aur yeh energy itni motivation se bhari hoti hai ki hum apni mushkilo ko bhool kar sirf or sirf apne aim par hi dhayan dete hai. Dosto, mere according to motivated rehne ka isse best tareeka shayad or koi ho hi nahi sakta. To aaj hi apni duniya ko explore karna shuru kar dijiye.

  1. Live your Life:

Kabhi-kabhi jo cheej hum apne aas pass dhundhte(finding) rehte hai, woh pehle se hi humare pass hoti hai. Aise hi kabhi-kabhi hume jis motivation ki talash hoti hai woh humare pass pehle se hi hoti hai hum bas use samajh(understand) nahi paate. Dosto, hume apni zindagi ke har pal ko ache se jeena chahiye kyuki humari zindagi ke kuch pal aise bhi hote hai jinhe hum sirf udaas reh kar bekar bana lete hai par agar hum unhi pal ko ache se enjoy karte to shayad hume kabhi motivation dhundhne ki jarurat hi nahi padti. Jab hum apni zindagi ke har pal ko ache se jeete hai to zindagi kafi haseen ban jaati hai aur jab zindagi hi haseen ban jaye to har ek pal hume zindagi ko aur ache se enjoy karne ko motivated karti hai. Dosto, mujhe to yahi lagta hai ki jab life jeene ki motivation sath ho to baki sabhi kaam ke liye motivation milne me aapko koi mushkil nahi aayegi.

  1. Life is for falling:

Zindagi me aise bhi bahut se pal aate hai jab hume sirf aur sirf haar hi milti hai, par dosto kya apne kabhi socha ki ki aapke baar baar harne ka reason kya hai? Sabse pehle to yeh yaad rakhe ki agar aap apni zindagi me haare hai iska reason aapki wajah se hi hai. Hum insaan apni zindagi me ek kaam badi aasani se aur bina soche samjhe kar dete hai. Apni galtiyo ko dusre par daalna! Dosto ho sakta hai ki aapko lag raha ho ki aapki haar ki wajah koi aur ho par sach to yahi hai dosto ki woh wajah kahi na kahi aap khud hi hai. Jaise kisi kaam ko shuru karne ke liye sabse pehli problem paiso ki aati hai or hum apni kismat ko, apne parents ko koste hai ki unhone humare future ke liye paise hi nahi rakhe. Dosto kya apne kabhi khud se yeh ni pucha ki apne apni zindagi ki aisa kyu rehne diya? Jab aap itne kaabil hai ki aap apne liye koi new aur acha business plan soch sakte hai to fir aapne aaj tak us plan ke liye money collect kyu ni kiya? Dosto aap chahte to apne us plan ke liye dheere-dheere hi sahi par kafi paise collect kar sakte the!

Aise hi aap chahe to apni life ke kisi bhi plan ko success kar sakte the, par aap khud ko rokte rahe or zindagi se haarte rahe! Pta hai dosto, aap chahe to zindagi me hone waali haar se niraash hokar ghar vapis ja sakte hai ya fir usi haar ko apna motivation bana kar us mushkil se firse jeetne ke liye mehnat kar sakte hai. Dosto zindagi me motivation usi pal khatam ho jaati hai jab aap apni zindagi ki muhskilo se haar maan lete hai, isliye kabhi bhi zindagi se haar na maane kyuki ek chota bacha bhi chalne se pehle girta jarur hai.

  1. Challenge:

Zindagi me sabse jyada maza tab aata hai jab hum kisi se race kar rahe hote hai. Kyu, Sahi keh raha hu na dosto? Jab kabhi hum kisi se competition karte hai to hum kafi energy se bhar jaate hai aur us pal hum full of motivation hote hai aur hum sirf or sirf jeetne ke baare me hi sochte hai. Aise hi dosto agar aap chahte hai ki aap full of motivation rahe to sabse acha tareeka yahi hai ki aap apna ek prtiyogi(competitor) final kare ya fir khud ko hi challenge dete rahe. Jab hum kisi challenge ko accept karte hai tab hum puri motivation ke sath, ekdum josh se us challenge ko pura karte hai isliye aap apni zindagi ke har level par khud ko challenge de. Khud ko hi challenge karte rehne se aapki zindagi me na to kabhi motivation kam hogi or na hi aapki success ko koi rok sakega. To fir aaj hi apne challenge ko final kare.

  1. Be a Fool, But an amazing one:

Kabhi-kabhi hume kuch new, kuch different karne ke liye motivation ki jarurat hoti hai, par dosto sach to yeh hai ki aapko us pal motivation ki nahi, khud par bharosa karne ki jarurat hoti hai. Dosto motivation to aapke pass pehle se hi hai tabhi aap kuch new karne ki soch rahe hai! Ab agar kisi cheej ki jarurat hai to woh hai sirf khud par bharosa karne ki. Mujhe pta hai ki aap itne kaabil hai ki aapne jo socha hai use aap ache se kar sake kyuki koi bhi itna bewkoof nahi hota ki woh kisi cheej ke baare me bina achi tarah jaane use karne ki soche. Dosto aapko sirf apne darr se ladna hai!

Aapki zindagi me kuch aise log bhi honge jo aapko bar-bar kuch new karne se rokte hoge, aapko  bewkoof kehte hoge aapko pagal kehte hoge, par dosto woh aapko sirf isliye rokte hai kyuki woh khud nahi jante ki aisa karne se kya hoga! Aur jab woh jante hi nahi ki aisa karne se kya hoga to fir unke darr se khud ko rokne ka kya fayda? Dosto, aap chahe to apni life ko darr kar jee sakte hai ya fir khud par bharosa karke kuch new karke dikha sakte hai. Yeh choice humesha sirf aapki hi honi chahiye ki aapko kya karna hai.

  1. Winning Is Not End:

Humari zindagi me jab hume success mil jaati hai tab hum apni life me motivation ko jaise dhundh hi nahi paate par dosto humari yeh duniya bahut hi badi hai. Aap chahe to ek chote se mukaam(level) ko hasil karke ruk sakte hai ya aap chahe to is duniya me aap apna ek naye(new) mukaam bna sakte hai. Dosto agar aapne kisi ek cheej me success hasil karli hai to ab aapko kisi new cheej me success hasil karne ke liye mehnat karni chahiye kyuki success ek aisi cheej hai jo kabhi bhi rukti nahi. Aap jitni mehnat karte hai utni hi aapko success milti hai isliye dosto humesha sapne dekhte rahiye or duniya me success ko hasil karte rahiye.

Zindagi Me Aapko Mukaam Bahut Milege,
BAS Unhe Hasil Karne Ka Junoon Hona Chahiye!

To dosto, ab aap jante hi hai ki kaise aap apni zindagi me motivated reh sakte hai. Agar aap kuch puchna chahte hai ya aapko kisi bhi problem me help chahiye to aap chahe to comment kar sakte hai ya fir aap hume mail karke apni problem share kar sakte. Dosto, aise hi hume support karte rahiye aur apni zindagi me khushiya bharte rahiye.

Please follow and like us:

5 thoughts on “Zindagi Me Motivation Ke Sath Rehne Ka Best Tareeka [12 Ways To Get Motivation]”

  1. I always read post made on this page. Nd these post really makes helps me in refreshing my mind and gives straight light to destination with hope fully positive vibes

  2. Pingback: Zindagi Jeene Ke 8 Amazing Tips [Life Ko Jeene Ka Sahi Tarika] – Jilo Zindagi Dil Se

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.