Logo Se Baat Karne Ka Tarika| Ladki Se Baat Start Kare [10 Working Tips With Examples]

Please follow and like us:

Humari life aaj ke time me kafi busy rehti hai or hum rozana kafi new persons se bhi milte hai. Kuch log to baatein karne me expert hote hai or kuch humare jaise hote hai jo ki kisi unknown se sahi tarah baat hi nhi kar paate. Par kya isme humari koi galti hai jo hum kisi unknown se baat nhi kar paate? Yehi sawal khud se puch kar dekhiye. Dekhiye ki kya aapke andar koi kami hai? Ya fir ye bas ek darr, ek jijhak hai jo aapko kisi se baat nhi karne deti!

Mujhe pura yakeen hai ki aapke andar koi kami nhi hai. Aapko sirf jarurat hai to yeh janne ki hume kab, kaha or kya bolna chahiye! Aj hum aapka yeh darr khatam karne waale hai. Hum aapko woh tareeka batayege jisse aap kisi se bhi kahi par bhi bina kisi chinta ke baat kar sakte hai. Kisi bhi known person se baat karte waqt hume koi problem nhi hoti kyuki hum jaante hai ki woh humari baat ko samjhege or humara sath dege par kisi unknown person se baat karte waqt hume yeh bilkul bhi nhi pata hota ki woh person humari baaton par kaise behave karega or hume kya bolega. Kisi se bhi baat karne ke liye hum kuch baaten yaad rakhni chahiye jaise:

  • Humari baaton ka kisiko bhi bura na lage.
  • Humesha serious baaten na kare. Isse aapke sath wala sirf tension mehsoos karta hai.
  • Jab bhi koi serious topic ho to bar-2 baat ko majak me nhi bolna chahiye.
  • Humari baatein kabhi adhuri nhi honi chahiye. Ho sakta hai isse koi humari baat ko galat dhang se samajh le.
  • Har baat confidence se boole. Kabhi kuch bhi kehne me gabhraye nhi.

Bas aisi hi kuch baatein hoti hai jo hume dusro se baat karne me help karti hai.

Kisi Unknown (Anjaan) Se Baat Shuru Karne Ka Sahi Tarika Kya Hai

Ab hum aapko kuch aise cases me baat karne ke tareeke batayege jo normally aapke sath hote rehte hai.

  • Kisi Function Me Unknown Se Baat Karne Ke Liye.

Humari life ka sabse common part hota hai kisi function me jana jaise kisi party me, ya fir koi dharmik function or ya fir kisi public function me. Aise case me agar hum kisi unknown se baat karna chahte hai toh uske liye:

  1. Greetings

Kisi se bhi baat karne se pehle hume unki respect karna jaruri hai. Hum jab bhi kisi se milte hai usko Namaste ya fir hello to kehte hi hai toh fir kisi unknown se baat karne ke liye bhi hume sabse pehle unko namaste/hello keh kar khud ko introduce karna chahiye. Introduction me aapko apna naam batana chahiye or yeh batana chahiye ki aap kon hai. Is tarah kisiko bhi aapse baat karne me koi problem nhi hogi.

  1. Interesting

Hume unse woh baatein karni chahiye jo unhe pasand aaye or iske liye hume jyada se jyada unke baare me puchna chahiye, unki baatein karni chahiye. Unki har baat ka ache se reply karna chahiye. Taki unko humse baat karna acha lage or unka interest bana rahe. Jaise hume unse puchna chahiye ki vo kya karte hai, unki hobbies kya hai, unhe kya karna pasand hai, unke ghar me kon kon hai. Aisi na jaane kitni baatein hai jo aap unse puch sakte ho jisse ki aapko baat karne me aasani hogi. Ek baat ka jarur dhayan rakhe ki bina darre ya bina kisi jijhak ke baat kare kyuki aap kuch bhi aisa  nhi bol rahe jisse unhe koi bura lage, isliye apni baatein karte rahe. Fir dekhna dosto aapko pta hi nhi lagega ki jisse aap baat kar rahe hai vo koi unknown hai.

  1. Don’t Force

Kabhi-2 hum jisse baat karna chahte hai woh humse baat karna pasand nhi karte. Aise me kuch log to fir bhi jabardasti baat karne me lage rehte hai. Hume kabhi bhi kisiko humse baat karne ke liye force nhi karna chahiye. Agar koi aapse baat nhi karna chahta to aap kabhi bhi us person se jyada baat na kare balki unke aas pass jo log hai unse baatein kare. Aisa karne se ho sakta hai ki kuch time baad voh aapse baat karna thik samjhe or aapse baat karle. Par agar fir bhi woh aapse baat nhi karna chahte to aapko jyada koshish nhi karni chahiye.

  • Kisi Unknown Se Dosti Karne Ke Liye.

Humari life me daily hume kafi new log milte hai or humare daily kafi new friends bante hai. Par bahut se aise log bhi hote hai jo kisi unknown se dosti hi nhi kar paate. Par abse aisa nhi hoga kyuki hum aapko bata rahe hai ki kaise aaap kisi unknown se dosti kar sakte hai.

  1. Say Hello

Sabse pehle kisise bhi milte hi hume Hi/hello kehna chahiye. Dosti karne ke liye hume kabhi jyada koshish karne ki jarurat nhi hoti. Aap bas apne dil ki suniye or jo woh kahe wohi kijiye. Par is baat ka dhayan rakhiye ki aapki baatein kisiko kabhi bhi hurt na kare. Aap unhe apna introduction de, apne baare me bataye or fir unke baare me bhi jaane, or aise hi baatein karte rahiye. Aapke kafi new friends ban jayege.

  1. Be You, Be Funny

Kisi se dosti karni hai to hume kabhi bhi koi dikhawa karne ki jarurat nhi hoti, kyuki dost to vohi hota hai jo aapko sirf achi aadaton ke liye nhi balki aapki buri aadaton ke liye apnaye. Aap humesha jo hai jaise bhi hai vaise hi rahe. Par hume kabhi-2 funny bhi banna padta hai. Dosto se hum unke baare me puchte hai like unhone aaj kya kiya, unka din kaisa raha etc. Aur in baaton ko thoda hasi majak me kijiye kyuki dost kabhi bhi serious nahi rehte. Dost to humesha haste rehte hai or sabko bhi hasate rehte hai. So, abhi jaiye or dost banaiye.

  1. Good Bye Kehna Na Bhuliye

Aap jab kisi unknown se dosti kar lete hai, to fir aap usko dost bna kar rakhna chahte hai. Aap chahte hai ki aap unse milte rahe or aapki dosti humesha yuhi bani rahe, isliye humesha alvida kehna na bhuliye. Jab bhi aap jaane lage to apne dost ko ko kahiye Good Bye/ Nice To Meet You. Aisi baatein jab hum kisi ko bolte hai to fir woh humse firse milna pasand karte hai or dosti ka ye silsila chalta rehta hai.

  • Kisi Unknown Se Public Place Me Baat Karne Ke Liye.

Kisi public place me agar hum kisi unknown se baat karna chahe to kafi ajeeb lagta hai. Hume samajh hi nhi aata ki hum kya kare kaise kare. Aaj aapki yeh mushkil bhi khatam ho jaayegi. Aur yeh hoga kaise? Bas humara yeh post padhte rahiye.

  1. Wait For Right Time

Har kaam ko agar sahi time par kiya jaaye to fir woh kafi jyada effect padta hai. Jab bhi kisi public place par kisi unknown se baat karni hai to hume sabse pehle yehi try karna chahiye ki hum jinse baat karna chahte hai woh akele ho. Jab hum kisi se akele me baat karte hai toh unka sara dhayan sirf or sirf humpar hota hai jo kisi unknown se baat karne ke liye kafi jaruri hota hai. Par kabhi-2 hume aisa moka nhi milta jisme hum unse akele baat kar sake us time par hume kisi cheej ke bahane se unse baat karni ki try karne chahiye. Par tab hume kabhi bhi jarurat se jyada baatein nhi karni chahiye, kyuki isse unhe yeh lagega ki hum unse jabardasti baat karte hai jo ki achi baat nhi. Isliye wait for the right time.

  1. Greeting & Introduction

Jab kisi unknown se baat start karni ho to sabse pehle unhe hi/hello kare fir unko apna introduction de, apne baare me bataye or fir unse baatein karni shuru kijiye. Agar aap aise greetings ke sath kisi se baat karte hai to fir har koi aapse baat karne me comfort feel karta hai. Toh fir humesha dhayan rakhe ki greeting or introduction kafi jaruri hai.

  1. Baat Intersting Banaye

Baat tabhi kari ja sakti hai jab tak dusra person bhi humse baat karne me interesting ho. Kisi public place par jab hum kisi unknown se baat karte hai toh fir unko kafi ajeeb lagta hai coz ek public place par aise kisi se baat karna aasan baat nhi. Isliye hume sabse pehle unhe comfortable feel krana chahiye, isliye humesha koi aisa reason de jo unhe pasand aaye like Mene aapko waha kisi ki help karte huye dekha tha, aapne kafi acha kaam kiya! Ya fir mene aapko waha yeh karte huye dekha to socha aapse thodi baat karlu. Sabse aasan way hai unki tareef karn, make them feel special. Isse baat karna aasan hoga. Aur baat aage badhane ke liye bas unke baare me baatein kijiye. Dekhiye woh unkonw aapke kafi ache known ban jayege.

  1. Never Say Good Bye

Kisi bhi unknown ko publically known bna kar unhe good bye kehna acha nhi hoga. Par agar hum good bye na kahe to vo rude bhi hoga. To aise me hume kya karna chahiye? Hume aise time par unse kehna chahiye ki hum jaldi hi firse milege or See you later or Nice to meet you aisi baatein boliye jisse woh aapse firse milne ka jarur soche. Par ek baat ka humesha dhayan de ki kabhi bhi jabardasti kisi baat karne ka koi fayda nhi, isliye kabhi jyada try na kare.

 

Ab aap puri tarah ready hai kisi se bhi kahi par bhi baat karne ke liye. Toh fir ab jyada sochna kyu? Jaaiye or kisi unknown ko known banaiye or humare post yuhi padhte rahiye. Agar aap kuch bhi puchna chahte hai ya aap apni kisi bhi problem se realted help chahte hai to aap hume comment karke kuch bhi puch sakte hai ya fir aap hume mail karke apni problem share kar sakte. Hum aapki problem ko jaldi se jaldi solve karne me help karege aur aise hi hume support karte rahiye aur apni zindagi me khushiya bharte rahiye.

Please follow and like us:

10 thoughts on “Logo Se Baat Karne Ka Tarika| Ladki Se Baat Start Kare [10 Working Tips With Examples]”

    1. Dear ali,
      agar aapko us ladki se baat shuru karni hai to aapke liye sabse best option yahi hai ki aap kisi kaam ke bahane usko hello karte huye usse favor le. Aur yaad rakhe ke kaam pura hote hi us ladki ko thanku keh kar it’s nice to meet you zaroor kehna.

      Bas itna karne se wo ladki khud aapse baat karna chahegi.

    1. Hello Jahangir,
      Aap agar kisi ladki ko apni zindagi me lana chahte hai to sabse pehle unse baatein karna start kare. Confident reh kar aap unse baat karne ka reason dhundhe. Yaad rakhe ki aapko shadi ke liye puchne se pehle unhe thoda janna bhi padega. Ekdum se shadi ke liye puchne par woh ladki aapko sirf no hi karegi. Isliye unse baatein start kare. Baatein shuru karne ke liye aapke liye sabse acha option yahi hai ki aap kaam ki baatein shuru kare or dheere dheere unse dosti badaye. So, All the best for your life.

  1. ak ladki se me bot pyar krta ho wo meri taraf dakh kr miskarati hae lakin jab me os ke pas jata hon wo phr dakhti hi ni plzzzz kia kro

    1. Hello Ijaz Ali,
      Agar aap kisi se pyar karte hai or wo ladki bhi aapko response deti hai to pehle ek baar to aapko uske nakhre jhelne padege ya fir uske sath kaam se related baat karna shuru kijiye jisse usko aapse baat karni to pade but aap apna attitude kam na hone de. Mostly girls ko wo ladke pasand hote hai wo unse badkar ho. Toh aise hi bane rahiye or hume follow karte rahiye.

  2. Me larki se baat karna ya unse dosti karna pasand nhi karta lekin phir bhi kuch larkiya mujhe notice karti hai ek ne to I …. you tak kehdiya ek larki hai jo mujhe dekhti rehti aur uske is adat ki wajah se parishan hoon

    1. Dear Faisal,
      Agar koi aapko kisi baat se pareshan karta hai to unse door bhagne ki vajaye unke sath rahiye ek ache dost ban kar. Is tarah unko bhi clear ho jayega ki aap unme interested nahi hai but as a friend thodi si baat karne me koi burayi bhi nahi hai. So just abse jyada notice na karke unhe ignore kare or as a friend rahe.
      Aur hume aise hi follow karte rahe.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.