College Students Ke Liye Best Earning Part Time Job Ideas (Top 9 Low Investment Business Ideas)

  • buddy 
Please follow and like us:

College life sabse special hoti hai, badi hi masti waali or adventure se bhari. College life me har koi sirf enjoy karna chahta hai par dosto masti ke liye ek humare pass paisa hona bahut hi jaruri hai. Bina money ke hum apni life ko na to enjoy karte hai or har pal adjust karte rehte hai. I know aap apni life ko enjoy karna chahte hai, par apne enjoyment ke liye apni family par kisi bhi tarah ka pressure nahi dalna chahte. Isliye aap khud kuch aisa kaam karna chahte hai jisse aap apni basic needs ke layak earning kar sake. But money earn karna ek student ke liye kafi mushkil hota hai kyuki har student ko apne kaam ke sath-sath apni study ka bhi pura dhayan rakhna padta hai or aaj kal ke time me to study karne ki fees bhi din par din badti hi jaa rahi hai. To aisa kya kiya jaaye jisse aap is problem ko solve kar sake. Kya aisa kuch nhi jisse ki students, apni study ke sath, apni masti waali life ko bhi bina kisi compromise ke enjoy kar sake?

Hum aapko aaj aisa hi kuch batane ja rahe hai jisse, aap apni study ke sath apni money problem ko bhi khatam kar sakte hai. Hum aapko kuch aise part time job/work batane ja rahe hai jise aap apni study life ke sath easily handle kar sakte hai.

College Students Ke Liye 9 Best Part-Time Work Ideas:

  1. Residential Cleaning Service

Agar aap part time job dhundh rahe hai to fir residential cleaning service ek kafi acha option hai. Aapko apna ye business start karne ke liye online advertisement post karni chahiye. Yaad rakhe dosto ye cleaning service aap khud nahi karege balki ek group bnayege un gareeb logo ka jo yeh kaam karne me interested hai. Aapko sirf is work ko proper manage karna hai. Aapko apne work ki startup cost kam rakhni chahiye isliye aap apni ad me ye mansion kar de ki cleaning material client provide karega to fir aapke charges kam hoge isse aapke business ko ek achi start milegi.

Yeh kaam aap apne schedule ke according kar sakte hai like meeting/inquiry hours ko fix karke or iske liye aapko kabhi bhi koi problem nhi aayegi. Is kaam me aapke liye ek sabse important tip yehi hai ki jab aapko cleaning ke liye ek kafi badi space miley tab aap per hour ke rate se charges kar sakte hai.

  1. Moving Service

Chahe kahi summer vacations par jana ho ya fir permanent setup hona ho, moving service ki jarurat padti hi hai or isse movers kafi acha amont bhi earn kar sakte hai. Starting me aapko apne charges kam rakhne chahiye par is kaam ke liye aapko heavy material or furniture ko easily move out karna aana chahiye. Agar aapka kaam acha huya to aap sirf social media or online advertisement se hi kafi acha business chala sakte hai.

  1. Child Caretaker

Kya aapko bache pasand hai? Kya aapko bacho ke sath time spend karna pasand hai? Agar ha to fir aapke liye babysitter ki job ekdum perfect opportunity hai. Chahe bacho ka dhayan rakhna ho ya unhe school se laana babysitter ki jarurat padti hi hai.

Aap babysitting ka kaam kafi easily advertisement se start kar sakte hai, par aapko is kaam me online se jyada clients, dusro ke recommendation par mil sakte hai. Har parent ko ek aisa babysitter chahiye hota hai jispar vo puraa trust kar sake isliye aapko apne nature par jyada dhayan dena hoga or better yahi hoga ki aap apni profile me apna residential proof ya college ka ID card jarur mention kare jisse logo ko aap ekdum genuine lage.

  1. Event Organizer/Promoter

Aisa to bahut bar hota hai ki jab bhi aapke college me koi function aane wala hota hai tab aap uske organize karne me help jarur karte hai ya fir khud hi aise event ko organize karte hai. To fir kyu na is work ko professionally kiya jaye? Aap chahe to ek official Event Organizer ban sakte hai or money earn kar sakte hai.

Usually humare ghar ke aas-pas humesha koi na koi event hota hi rehta hai. Aise hi kafi high societies events or social events hote hai jinke liye ek organizer ki kafi high demand hoti hai. Aap apne aas-pas ke floweriest, Musicians, Caterers etc. se contact karke apne work ko start karne ki deal kar sakte hai. Aap apne har event par promotion karke aapne clients increase kar sakte hai bas aapke pas kafi ache organizational skills hone chahiye.

  1. Bookkeeping

Agar aapko finance pasand hai ya fir books pasand hai to fir aapko Bookkeeping ki job bhi kafi pasand aayegi. Aapko is work me sirf books ke record hi rakhne hote hai or baad me sahi time aane par woh sabhi books ki details dealers ko deni hoti hai. Mostly dealers humesha old books lene me interested hote hai or jab unhe aisi books ka proper record mil jaye to unko kafi benefit bhi hota hai.

Aapko records ko computer me save rakhna padega or iske liye special softwares bhi use karna padega. Aise bahut se software market me badi easily mil jaate hai. Aap chahe to books ko old students se purchase karke new students ko bhi sell kar sakte hai. Aapke pas Bookkeeping ka kafi acha work ho sakta hai aapko sirf apna network increase karne ki jarurat hai. Ho sakta hai ki startup cost low ho par baad me demand ke according aap apne charges increase kar sakte hai.

  1. Resume/Practical File writing service

Aise bahut se students hote hai jinhe summer vacations par ya fir college degree pura hone par job ke liye apply karna hota hai par wo apna resume properly use karna nahi jante isliye wo apna resume kisi or se likhvate hai ya fir apni practical file ka work pura karvane ke liye dusro ko hire karte hai. Agar aapko likhna pasand hai or aap money bhi earn karna chahte hai to fir ye work aapke liye bilkul perfect hai. Aapko is work me kafi help mil sakti hai kyuki aise bahut se students hote hai jinke pas kafi skills hote hai or vo aapke sath kaam karke is work ko kafi easy or popular bhi bna dete hai. Aap apne work ki ad social media or online advertisement ke through kar sakte hai.

  1. Delivery & Errand Service

Aaj ke time me har koi busy hai or har koi is busy schedule me apne kaam ka pressure kam karna chahta hai or upar se agar unhe koi parcel deliver jaisa kaam mil jaye to fir bas unki halat toh aur bhi buri ho jati hai. But aap chahe to unki is problem me unki help karke apna business start kar sakte hai.

Aap apni ek private parcel service start kar sakte hai apni hi city me ek point se dusre point tak parcel lejana fir chahe vo khana ho, koi document ho ya kuch or. Aapki ye service kafi easily famous ho sakti hai or aapko iske liye sirf ek working time fix karna hai jisme aap apne parcel ko pickup or deliver karege. Aap apne work ko startup website ya online advertisement or social media ke through famous kar sakte hai. Starting me apne charges kam rakhe but agar delivery point jyada door ho ya fir parcel ko jyada jaldi deliver karna ho to aap apna charges par urgent work ke charges lga sakte hai.

  1. Jewelry Maker & Handmade Gifts

Aapko apna jewelry work ya fir handmade start karne ke liye koi khas karigari sikhne ki jarurat nhi. Aap apne jewelry business ke liye bas simple se bracelet bna kar ya fir apni thodi si creativity ko use karke bhi apna kaam shuru kar sakte hai. Jab aap precious stones se jewelry banane lage ya fir handmade gifts bnane lage, to aap online selling ke through bhi apna business increase kar sakte hai.

Aapko apne jewelry work ke liye mostly photography par dhayan dena hoga. But apne handmade gift me aapko videos bnani padegi. Aapki har photo me aapki jewelry best lagni chahiye kyuki aapki photos aur videos ko dekh kar hi client jewelry aur aapke gifts ko pasand karege. Aapke liye ye work best rahega agar aapko creative work pasand hai bas sahi tools ka use kijiye aur aapka kaam aasan ho jayega.

Best Hand Made Gifts

  1. Tutor

Kya aap study me best hai? Ya fir koi aisa subject hai jo aapke liye kafi easy hai? Agar aisa hai to fir aapke liye apni knowledge ko use karke Tutor work bhi kafi acha option hai. Chahe koi bhi jagah ho par tutors ki har jagah kafi high demand rehti hai or har student ke liye tutor ka work bilkul bhi mushkil nhi hota. Aap chahe to home tuitions ke jariye Rs. 5000-10000 tak earn kar sakte hai. Aap chahe to apna khud ka institue bhi open kar sakte hai. Aapke institute par students ki performance se hi aapki earning bhi depend karegi. Aapko sirf apni knowledge ko best banana hai or humesha improve karte rehna hai.

Best Tutions in Tricity

To dosto, yeh saare woh business hai jinhe start karne ke liye aapko jyada investment karne ki bilkul bhi jarurat nhi hai aur aapko isse kafi benefit bhi hoga. Aap apni college life me padhai ke sath masti bhi kar sakege aur apni family ko easily support bhi kar sakege. Toh dosto hume aise hi support karte rahiye aur hume follow jarur kijiye.

Please follow and like us:

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.