Apni Top Personality Kaise Banaye! How To Be Person People Love[8 Easy & Outstanding Tips]

Please follow and like us:

Kabhi-kabhi zindagi bhi kitne rang dikhati hai. Kabhi hasati hai to kabhi rulati hai par yeh zindagi chalti jaati hai. Zindagi chahe kaise bhi ho hum jeete jaate hai par jab log aap par dhayan nahi dete to zindagi ka akelapan(loneliness) jaise kaatne ko aata hai, jiske liye har insaan apni personality ko ekdum tip-top rakhna chahta hai. Kyu, Sahi keh raha hu na dosto? Ek amazing personality waale person ko har koi chahta hai or har koi usko hi follow karta hai. Ek awesome personality waala person mostly kabhi bhi akela nahi rehta ya kahe ki duniya use akele nahi rehne deti. Mujhe pta hai dosto, aap bhi aisi hi ek amazing personality banana chahte hai jisse har koi aapki respect kare aapko ek awesome person ki tarah acknowledge kare. Aaj hum aapki top personality banana me hi help karege so be ready get amaze!

Awesome Personality Banane Ka Sabse Easy Way:

  1. Positive Attitude

“Attitude”, Yeh word hai hi aisa ki ise sunte hi log sochte hai ki attitude dikhane se to log hume ignore karte hai par dosto attitude or positive attitude me kafi difference hota hai. Attitude hota hai, kisi jaruratmand(needy) ki help karne se mana karna ya kisi ko nicha dikhana par jab kisi ko bura kaam karne se rokte hai ya fir jab hum kisi bhi kaam ko full confidence ke sath karte hai to ek positivity aapke face par show hoti hai. Aap kabhi bhi notice karege to aapko pta chalega ki celebrities bhi to hum jaise insaan hi hai aur woh bhi vaise hi smile karte hai jaise hum karte hai par unka woh confidence unke face par ek aisa glow lata hai jise har koi pasand karta hai or unhe celebrity banata hai. Agar aapko bhi aisi hi personality banani hai to aapko bhi positive attitude chahiye jiske liye aapka khud par confidence hona kafi jaruri hai. To dosto, khud par bharosa kare aur apna anokha positive attitude banaye.

  1. Nature

Har insaan ki personality sabse jyada uske nature se banti hai aur agar aapko ek jabardast personality banani hai to uske liye sabse best nature bhi jaruri hai. Ek jabardast nature ka matlab sirf kamal ki cheeze karna nahi balki dusro se sahi tarah se baat karna, dusro ki care karna, sabki help karna or sabke sath khushi-khushi rehna hota hai. Aapni zindagi me ek acha insaan bane kyuki ek acha nature waala person kafi attractive hota hai or har koi uske sath rehna pasand bhi karta hai isliye humesha apne nature ko best rakhe, acha rakhe!

  1. Looking

Looking har insaan ke first impression ko banati hai. Aapka apni kamal ki personality ke liye apni looking par bhi kafi dhayan dena jaruri hai par dosto looking ka matlab jyada mehnge kapde ya kafi jyada makeup to bilkul nahi hai. Kisi bhi person ki looking humesha dressing, hairstyle and bodystyle se hi banti hai. Aapko apni dressing ko best karne ke liye humesha clean, aur ache colour combination ki dress pehne. Aapki dress na to jyada loose honi chahiye or na hi jyada tight kyuki ek proper dress wahi hoti hai jisme aap comfortable ho.

Isi tarah aap apne hairstyle ko bhi acha rakhe, ekdum decent aur stylish hairstyle dono hi aapki personality ke liye sabse ache hai par kabhi bhi freaky look na rakhe aur humesha apne bodystyle ka bhi dhayan rakhe. Kabhi-kabhi style ke chakkar me hum jyada show off kar dete hai jo ki aapki top personality ke liye bilkul achi baat nahi hai. Humesha active rahe or pal attentive reh kar apni personality ekdum jabardast rakhe.

  1. Behavior

Aapki achi personality dusro ko bhi tabhi achi lagti hai jab aap unke sath ache se behave karte hai. Aapka acha behavior dusro ko aur jyada attract karta hai, isliye apna behavior humesha acha banaye rakhe. Aap jab bhi kisi se mille toh unhe good morning ya hello jarur kare, unse haskar, muskurate huye baat kare, jisse unhe pta chale ki aap unse mil kar khush hai aur aapka unpar kafi acha impression banega aur isse aapki personality or achi banegi. Ache behaviour ki ek aur achi nishani hai ki aap apne se pehle dusro ke baare me soche aur unki respect kare. Jab koi insaan kisi dusre ke baare me sochta hai tab har koi uski personality ko really me acha samjhta hai par dhayan rakhe dosto ki jarurat se jyada care bhi achi nahi isliye abhi se apne behavior ko acha banaye aur apni personality se sabka dil jeetle.

  1. Smile

Ek top personality ke liye smile kafi hi jyada jaruri hai. Kabhi socha hai ki kaise aap ek chote baby ko hasta dekh kar khud smile karne lagte hai? Ya kaise koi bhi joke sunkar aap hasne lag jaate hai fir chahe aapka mood jaise bhi ho, aapko hasi aati hi aati hai! But, Yeh sab hota kaise hai? Iska answer hai ek “Smile”(Muskurahat). Agar aap abhi khud ko mirror me dekhege to aapko pta chalega ki aap bhi abhi smile kar rahe hai! Hai na yeh kamal ka magic? Smile hoti hi aisi amazing hai ki har insaan jab kisiko hasta dekhta hai to khud bhi muskurane lagta hai aur ek amazing personality ke liye uska humesha muskurana kafi jaruri hai. Kabhi-kabhi aisa bhi hota hai ki aapka mood acha nahi hota or aap hasna nahi chahte par dosto kya apne bad mood ki wajah se kisi or se rudely baat karna achi baat hai? Aapko pta hai jab hum kisi se muskura kar baat karte hai to return me bhi hum yahi chahte hai ki wo person bhi humse aise hu muskurate huye, khushi-khushi baat kare isliye dosto apni awesome personality ke liye humesha smile karte rahe.

  1. Be Crazy

Kabhi-kabhi log aapko pagal kehte hai par dosto sach to yahi hai ki jo log aapko pagal kehte hai baad me wohi log mostly aapko follow bhi karte hai. Jab koi person kuch ajeeb ya kuch different karta hai toh log uski personality ko pagal kehte hai but dosto jab woh dekhte hai ki aapki pagal-panti kitne amazing result de sakti hai to wohi log aapko awesome kehte hai aur aise hi aapki personality ekdum amazing ban jati hai. Jaruri nahi dosto ki aap humesha wo sab hi kare jo dusre karte hai kyuki jo log apne dil ki sunte hai woh humesha khush rehte hai aur jaisa ki humne bataya ek top personality ke liye humesha khush rehna kitna jaruri hai to fir aap bhi apne dil ki sune ek awesome crazy personality banaye.

  1. Hygiene

Ek amazing personality ke liye jitna jaruri looking, nature & style hai, usse kafi jyada jaruri hai hygiene ka dhayan rakhan. Apni personality ko ekdum jabardast banane ka sabse acha tarika hai apni hygiene ka dhayan rakhna kyuki koi bhi aise person ke sath nahi reh sakta jo bilkul bhi saaf safayi ni rakhta. Dosto kabhi-kabhi hum apni personality ko cool or funky banane ki koshish me apni body ki personal care or cleaning ko bhul hi jaate hai jiski wajah se unki amazing personality ko bhi koi pasand nahi karta. To dosto, humesha apni hygiene ka dhayan rakhe aur apni awesome personality ko shine karne de.

  1. Make It Ease & Trust Yourself

Har kisiko ko aise person kafi pasand hai joh har mushkil ko bhi easily handle kar lete hai or aisi personality ka har koi fan ban jata hai. Zindagi me aisi bahut si problems aati hai jinhe mostly hum handle hi nahi kar paate aur aise me agar koi person humari usi problem ko easily handle karne ka tareeka bta de to hum to jaise unke fan hi ban jaate hai aur aapki amazing personality ke liye kafi hi jyada jaruri hai. Dosto aisi mushkil problems ko handle karne ke liye aapko koi special talent ka kisi special power ki nahi balki sirf khud par trust karne ki jarurt hai kyuki dosto duniya me har taale(lock) ki chabi(key) jarur hoti hai aur aisi problem aane par aapne usi chabi ko dhundhna hai or sabki help karni hai, jisse aapki personality me char-chand lag jayege.

To dosto, ab aap jante hai ki kaise aap apni personality ko ekdum amazing or awesome bna sakte hai. To fir ab wait kis baat ki? Jaiye aur apni top personality se sabka dil jeet le. Agar aap kuch bhi puchna chahte hai ya aap apni kisi bhi problem me help chahte hai to aap humse comment karke kuch bhi puch sakte hai ya fir aap hume mail karke apni problem share kar sakte. Hum aapki problem ko jaldi se jaldi solve karne me help karege aur aise hi hume support karte rahiye aur apni zindagi me khushiya bharte rahiye.

Please follow and like us:

10 thoughts on “Apni Top Personality Kaise Banaye! How To Be Person People Love[8 Easy & Outstanding Tips]”

    1. Dear aadarsh,
      ladki bhi aapki hi tarah insaan hi hai. ladkiyon se baat karte waqt ye mat sochiye ki wo ladki hai. Bas itna yaad rakhe ki aap ek insaan se hi baat kar rahe hai. Isliye sirf ache se respect ke sath hi/hello keh kar baat shuru kare or jo dil me hai wohi baat kare. Sab acha hi hoga.

  1. Namaskar bhai g
    Bhai meri problem h k
    Meri taraf koi attract hi nhi hota h
    Kya isliye k me ek Gareeb ka beta hu
    Bhai g meri problem ka koi solutions nikalo
    Aapka Aabhari

    1. Namaste Mubarik,
      Agar aap chahte hai ki aapki taraf koi attract ho to sabse pehle show off ya kisi bhi tarah ka koi dikhava na kare. Apni personality ko sudhare or har pal confidence se kaam kare.

  2. Hello,Sir muj se urdu main bat nhi hoti theak se plz muje apni urdu improve karni hai aur apni personality bi bnani hai plz help mee tnx

    1. Hello Waqas,
      Apni personality improve karne ke liye sabse pehle practice kare aur jyada se jyada koshish likhne ki kare. Apni urdu ko improve karne ke liye written practice kafi important hai. Aise karne se aapko khud par confidence aayega or aap apni personality ko improve karne ka sabsae bada step clear karege.
      Keep supporting us & don’t forget to send feedback.

    1. Hello Zubair,
      Kisi se bhi dosti ko gehri karne ke liye aapko apne dost ko jyada se jyada janna padega. Unki zindagi ka ek khas hissa banna padega. Aap humare is topic ko padhe, “Baat Karne Ke Tips”. Isse aapko jarur help milegi.
      Keep supporting us and follow us.
      Thanks

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.